Halló halló allir saman!

Er fólk ekki í stuði í dag? Ég er bara hress!Svo sem lítið að frétta af mér! 
Steinunn bauð okkur stúlkunum í sushi gerð heima hjá sér um daginn. Það var voða gaman að læra að gera þetta! Þetta er rosalega góður matur og hollur líka!

Góðan daginn allir saman!

Góðan og gleðilegan sunnudag.

Góðan dag!

Hérna koma fleiri myndir á myndasíðu Móu nr. 2: 

Halló halló krakkar mínir!

Ég verð að viðurkenna að ég hef verið léleg í blogginu í sumar. Mér til varnar hefur veðrið verið frábært og eftir vinnu langar mann barasta beint í sund eða vera úti, amk langar mig ekki til að blogga í sól og sumaryl! hahaha...

Jæja! Ég hef haft nóg fyrir stafni í sumar. Ég hóf sumarið á því að fara til London í heimsókn til Kára, Eyrúnar og Þórs. Það var yndislegt að koma til þeirra og slappa aðeins af eftir prófin. Ég fékk að vera með í afmælisveislunni hans Þórs og það var mjög gaman. Við fórum í dýragarðinn, hann fékk pakkana sína og afmælissöngurinn var sunginn!
Við Eyrún röltum í nokkrar búðir og svo var barasta slappað af!

Síðan skrapp ég til Tenerife í júní með Birki og fjölskyldu. Þetta var gjörsamlega yndisleg ferð! Það er ofboðslega fallegt þarna og veðráttan er algerlega perfect! Við héngum í sólbaði, kíktum á ströndina og fórum í vatnsrennibrautargarð svo eitthvað sé nefnt.

Annars er ég að vinna á lögfræðisviði á Lyfjastofnun í sumar og líkar mjög vel. Svo er ég að byrja aftur í Boot Camp eftir að ég tognaði frekar illa á ökklanum í byrjun sumars. Nýjasta hobbíið mitt er svo að synda á morgnana fyrir vinnu. Það er bara alveg ágætt, þegar ég nenni!

Þar fyrir utan hef ég einfaldlega verið að vinna í sumar, hitta ,,gamla" vini, hanga í sundi, mæta í nokkur afmælisboð, skellt mér tvisvar á Þingvelli, fór í útilegu á Vaglaskóg og djamma.

Síðustu helgi skelltum við Bikir okkur til Bolungarvíkur til þess að hitta vini og ættmenni. Þessi ferð var gjörsamlega æðisleg! Við keyrðum snemma af stað á föstudaginn og sluppum því við alla umferð. Þegar þangað var komið var veðrið eins og það gerist best: sól og hiti!
Við sóluðum okkur, fórum í sund, vorum boðin í tvö yndisleg matarboð, sungum okkur hás með ættingjum mínum, tókum þátt í mýrarbolta, rérum á bát út á vatn til þess að veiða, og djömmuðum tvívegis á hinum víðfræga Edinborg á Ísafirði! Ég trúi því varla hvað þetta var yndisleg verslunarmananhelgi! Ég hef alltaf verið í bænum hingað til og þetta var skemmtileg tilbreyting. Ég held að við skellum okkur aftur að ári!

Síðan tókum við Þórunn upp á því fyrir stuttu að byrja að æfa saman. Þ.e.a.s. ég syng og hún spilar á píanó. Það er æðislegt að byrja aftur að syngja! Við erum að æfa djass skotin lög og það er mjög gaman. Við erum að reyna að hittast 1-2 í viku og hver veit nema við sláum upp ,,mini-tónleikum" í lok sumars og leyfum vinum og ættingjum að heyra hvað við erum að bralla

Ég var að henda inn gífurlegu magni af myndum, endilega tjékkið á þeim:

• Bolungarvík og mýrarbolti á Ísafirði
• Páll Óskar með Eurovision ball á Nasa
• Útilega á Vaglaskógi með Joe og Darra
• Þór Kárason í pössun sumar 2008
• Iowa, maí 2008
• Þingvallaferð fjölskyldunnar
• Svipmyndir úr lífi mínu
• Afríkuferð mömmu í vetur
• Fjölskyldumyndir, jól 2007
• Tenerife myndir, sumar 2008
  

Jæja, það var ekki meira í bili! Lofa að blogga meira þegar veðrið verður verra!


Adios mis amigos!



kveðja


Móa

Halló halló allir saman!

Hvað segir fólkið gott í dag? Allir í stuði og svona?
Jæja. Þá er ég loksins búin í prófum og komin í sumarfrí. Næsta mál á dagskrá er að skella sér í heimsókn til Eyrúnar og Kára í London á fimmtudaginn og kíkja í eins árs afmæli hjá Þór litla . Það verður yndislegt að komast aðeins til útlanda áður og taka því rólega fram í næstu viku.
Annars er mest lítið að frétta af okkur. Ásgeir fór til Þýskalands með þýskubekknum sínum í gær og hefur það gott í æðislegu veðri. Það er víst 25 stiga hiti og þau eru að hjóla um Berlín í góða veðrinu og versla inn á milli .
Ég og Joe erum byrjaðar að reyna að plana útileiguna góðu!  Það er vonandi að við fáum jafn gott veður og síðast!! Spurning hvert verður haldið í þetta skiptið?!
Annars á pabbi afmæli í dag (13.maí). Til hamingju með daginn pabbi minn!

Jæja meira var það ekki í bili....

adios amigos

kveðja

Móa

Halló halló allir saman!

Halló halló alle sammen!

Ný færsla komin inn, allt að verða vitlaust! Það er barasta komin sunnudagur!
Mest megnis lítið að frétta af mér. Fer að komast í upplestrarfrí og hlakka í rauninni bara mikið til að klára þessa önn!
Þegar fólk heyrir að maður sé í lögfræði segir það vanalega: ók..er það ekki rosalegur lestur, er það ekki roslegur utanbókarlærdómur? Ertu ekki bara að læra lögin??
Alltaf hef ég svarað: nei þetta er alls ekki þannig nám!
En nú, þegar ég hef kynnst eignarrétti í allri sinni dýrð hef ég komist að því að eignarréttur er algerlega þannig fag: maður lærir lögin! Amk á það við hluta hans, þ.e.a.s. um þinglýsingar og veðrétt sem er by far með því leiðinlegra sem ég hef lært á minni skólagöngu (og þá er ég að telja með hljóðfræði í 4 bekk í MR!!).
Jafnvel þótt þjóðlendur, nábýlisréttur og forkaupsréttur séu skemmtileg viðfangsefni í eignarrétti þá er námskeiðið í heild einfaldlega ekki að gera sig!
Það er í fyrsta lagi alveg ógeðslega illa og leiðinlega skipulagt sem gerir það að verkum að það er mjög erfitt að setja sig inn í það af krafti. Í öðru lagi er námsefnið út um allar trissur og amk helmingur þess er ljósrit! Hitt fagið sem ég er í er stjórnsýsluréttur II sem er bara skemmtilegur.
Ég er búin í prófum 13.maí og er hæstánægð með það. Fínn upplestrartími og alles gut!

Aldrei hef ég hlakkað jafn mikið til að komast út í sumarið og fara að vinna og stunda Boot Camp af krafti! Þetta verður æðislegt sumar! Ég er að fara til Tenerife í 2 vikur og komin með lögfræðitengda vinnu. Í sumar vonast ég svo til þess að við Birkir, Jóhanna og Darri skellum okkur aftur í útileigu. Getur ekki klikkað! 

Er hin besta skemmtun! Mæli eindregið með því!.....

Halló halló!

Já það er alveg hreint ótrúlegt hvað undirrituð er dugleg að taka margar myndir þótt í augnablikinu eigi hún ekki virka myndavél!

Hérna koma einar 140 myndir úr afmælinu hans Birkis (4.janúar).

Tjékkið á þeim:

http://picasaweb.google.com/moahall86

 

Endilega kommentið!  

kveðja

 

Móa

Halló halló krakkar mínir!

Á föstudaginn skellti ég mér á kokteil í Glitni og síðan á Orovison. Ég ætla nú ekki að vera langorð: það var ógeðslega gaman!! Ég tók að vanda helling af myndum sem skoða má á myndasíðu Móu nr. 2 eða hér:

http://picasaweb.google.com/moahall86

 

 

Enjoy!

 

kveðja

 

Móa

Halló halló krakkar mínir!

Þá er komið að því, árið 2007 verður gert upp hér og nú! úff, jæja...hérna kemur þetta þá;

Janúar: Birkir verður tvítugur og mamma árinu eldri. Ég varð þeirra ánægju aðnjótandi að fá að syngja lag sem Marteinn Hunger samdi inn á upptöku. Mjög skemmtileg reynsla!  Annars leið janúar bara eins og venjulega: hægt-hægt-hægt!

Febrúar: skóli-skóli-skóli og ábyggilega hellingur af skemmtilegum hlutum sem ég er fyrir löngu búin að gleyma!

Mars: það sem stóð án efa upp úr í mars var að ég hélt upp á 21 árs afmælið mitt og bauð vinum mínum til veislu! Það var rosalega gaman! Nokkrar myndir hérna;

Mix bollan góða

Sólveig og Kalli sæt saman...

Anna Finnboga, Helga og Gunnar Steinn...

ég og Joe sem hjálpaði mér heilmikið með undirbúninginn!:*

Elli, Eysi og Joe..

Apríl: páskar í kósýlegheitum og vorpróf! vúhú!.

Maí: pabbi árinu á afmæli. Nýr fjölskyldumeðlimur kemur í heiminn, Þór Kárason; hér eru nokkrar myndir af krúttinu;

 

Þór nýfæddur..

Ásgeir með Þór í fyrstu heimsókninni hans til Íslands í júní...

Hjá ömmu sinni...

Í garðinum í London með ömmu sinni og mömmu...

Við (mamma, pabbi, Ásgeir og ég) skelltum okkur í heimsókn til Hara bróðir og co. í Iowa BNA. Þetta var frábær ferð í alla staði og yndislegt að hitta fjölskylduna og tjilla í sólinni! Vonast til þess að geta farið aftur þangað sem allra-allra fyrst!

Kári og Hallgrímur sætir..

Fjölskyldan borðar morgunmatinn á pallinum..

Amma Ragnheiður og Kári spila draugpúslið saman..

Júní: í byrjun júní útskrifaðist Birkir úr MR. Athöfnin sjálf var miklu skemmtilegri en okkar og veislan var vel heppnuð í alla staði. Eftir veisluna skelltum við okkur í partý til bekkjabróður Birkis ásamt Önnu Kristínu. Við skelltum okkur svo niður í bæ og dönsuðum fram á rauða nótt= vel heppnað kvöld í alla staði!!

Kappinn sáttur...

Bjössi og Birkir á jubilantaballinu..

strákarnir...

Lawladies sprækar að vanda..

Júlí: sú stóra breyting varð á lífi mínu að ég byrjaði í Boot camp. Það var erfitt að byrja en núna get ég ekki án þess verið! Við Birkir og Anna Kristín vorum mjög dugleg að skella okkur á djammið saman og Gunnar Steinn, Helga og Jóhanna lætu ekki sitt eftir liggja heldur; ónei...

Mohitokvöldið okkar Joe góða sem er enn í fersku minni!

Afmælið hennar Helgu...

Afmælisbarnið!

Anna Kristín komin í djammgírinn!

Eitt það skemmtilegasta sem ég gerði á árinu var að skella mér í útileigu með Jóhönnu, Darra og Birki á Arnarstapa Snæfellsnesi. Við fengum æðislegt veður og eyddum helginni saman í göngum, sundi, tjilli og grilluðum þess á milli. Þetta var ótrúlega skemmtileg ferð og ég vona að við skellum okkur nú bara aftur næsta sumar? Nokkrar myndir þaðan; (stal þeim af myndasíðu Joe!)..

Við Birkir í gönguferð..

Joe og Darri á góðri stund..

í gönguferðinni góðu...

kríurnar voru ekki að fíla okkur,..vægast sagt!

Joe og Darri flexa músklerne..

Ágúst: dreif mig að klára Evrópuréttinn sem ég ákvað að sleppa fyrir jól á fyrsta ári og kláraði þar með fyrsta árið í lögfræðinni.

Amma mín Halldóra Einarsdóttir féll frá í ágúst. Bræður mínir Kári og Hari flugu heim til þess að koma í jarðaförina. Hennar er og verður sárt saknað enda var hún alveg einstök manneskja.

Seinni hlutann í ágúst drifum við Birkir okkur svo til London í viku til þess að tjilla aðeins og versla eitthvað pínku fyrir skólann. Við fengum að gista hjá Kára bróður. Það var alveg frábær ferð þótt við hefðum e.t.v. mátt vera aaaaaðeins heppnari með veður, en við gátum nú sagt okkur að það yrði rigning, enda er þetta nú London!

gerviapi og Bikir í dýragarðinum í London..

Birkir og Kári borða á XO...

September: skólinn byrjar á ný á fullu. Skellti mér í einn kokteil eða tvo ...

hófarnir (??) hressar í Landsbankanum!

stuð á lögfræðipíunum!

Nonni, Kiddi og ég tökum ,,hamstradansinn"!

mesta fjörið í lagadeild!

Jens hress í Ölgerðinni..

Ragnhildur og Erla..

ég og Ása hressar á leið á ræðukeppni Orator

Október: skellti mér m.a. á reunion hjá gamla Való-árgángnum mínum, þ.e. Való 2002. Rosa gaman að hitta alla aftur. Sumir alveg gjörbreyttir og sumir alveg eins! Við fórum út að borða saman á undan stelpurnar og kvöldið var á allan hátt mjög vel heppnað!

Ívar, Helga, Bergur og Pálína..

Elín Birna og Baldur stíga trylltan dans!

Joe og ég...

stelpurnar hressar...

Nóvember: leið eins og nóvember gerir yfirleitt!

Desember: fyrstu þrjár vikurnar fóru í próftörn og ég kláraði prófin 21.desember. 22.desember komu Kári, Eyrún og Þór til landsins. Jólin voru yndisleg!! Eftir að hafa opnað pakkana komu Kári og co. og Ásgeir frændi og co með afa og við átum möndlugrautinn góða. Þór (afi Haraldur) vann möndluna og pabbi! Jess!!! Við vorum með jólaboð í pabba fjölskyldu á jóladag og á þann 28.desember komu Hari og co.heim frá Iowa! Við áttum saman frábærar stundir fjölskyldan og vorum öll saman á gamlárskvöld. Þetta var yndislegt frí! Því miður á ég engar myndir af fjölskyldunni því batteríið á myndavélinni minni er týnt! En það kemur bara næst þá!

Ein frétt að lokum hérna; Birkir hélt  upp á 21.árs afmælið sitt á föstudaginn síðasta á Barnum. Partýið var vel heppnað og næstum allir sem voru boðnir létu sjá sig. Hann fékk frábærar gjafir en þeirra á meðal var til dæmis flugeldar frá Tryggva (sem var hundeltur af dyravörðum því þá má ekki vera með svoleiðis þarna inni) Lúxor geisladisk frá Gunnari Steini og Ragga og frábært heimagert kort, helling af áfengi, glös, bol og mix disk frá Joe og Darra og fleira og fleira! Ég var á myndavélinni hans Birkis og tók einar 150 myndir sem ég skelli inn bráðlega!

Og fleira var það nú ekki í bili krakkar mínir!! Til hamingju ef þú nenntir að  lesa þetta! Endilega kommentið!

kveðja

Móa

 

 

Halló halló halló!

Hvað segir fólkið? Núna eru jólin loksins komin og það hvít jól!! Við lawladies óskum ykkur öllum gleðilegra jóla og farsæls komandi árs. Takk innilega fyrir allt liðið! Hafið það yndislegt yfir hátíðarnar!

 

 

 

 

kveðja

 

Lawladies (Anna Kristín og Móa)

 

Úff maður jólageðveikin byrjuð á háu stigi í kringlunni þessa dagana, opið til 10 og fólk alveg að missa það......aðeins of langur dagur að vinna frá 10 til 10!!

En annars kemur vinnan manni svoldið í jólaskapið, hef svo sem ekkert betra að gera, manni drepleiðist bara að hanga heima og gera ekki neitt!! 

En annars er próflokadjamm hjá lagadeildinni á morgun á Hverfis, þekki marga þyrsta laganema sem bíða í örvæntingu........ekki alveg að meika það að hafa ekki séð bjórinn í 5 vikur straight, hvað er það???

Mottóið mitt í dag er lífið er of stutt til að halda í fortíðina og eitthvað slæmt sem hefur gerst, halda ótrauður áfram inn í framtíðina og gera hana betri.....

 En það er sko skylda að ef þið eruð á röltinu í kringlunni þá verðið þig sko að koma við í Tékk Kristal og heilsa upp á mig....... það er must 

Luv,

Annie K

 

Já sæll

Allt erfiði tekur enda sem betur fer, prófin búin og langþráð jólafrí byrjað............ og þá meina ég það þegar ég segi langþráð, búin að vera ströng prófatörn eins og alltaf.

Það sem tekur við næstu daga er vinna, kósýheit, jólatónlist og bara jólastemmarinn yfir höfuð.

Bjöggi í kvöld sem ætti að koma manni í gírinn, held þetta verða geggjað jólatónleikar

Svo er ekki amalegt að jólasnjórinn sé mættur á svæðið ooohhh þetta gerir mánuðinn svo enn jólalegri og bjartari maður var alveg að detta í þunglyndið þarna á tímabili sko, úff....

Annars hefur dagurinn í dag allavegana sem komið er verið tekinn mjög rólega sem svona tilbreyting og maður getur slappað af án þess að vera með samviskubit yfir þvi að maður ætti í raun að vera gera allt annað eins og t.d læra.

En jæja ætla ekki að hafa þetta mikið lengra, reyni að vera dugleg að henda inn stuttum færslum og svona um atburði og upplifun jólanna frá mínu bæjarhorni

Ég óska hjónakornunum þeim Móu og Birki góðs gengis í prófunum þeirra, þið massið þetta eins og venjuleg........ hlakka til að hitta ykkur þegar þið klárið..... love you darlings

Over and out,
Annie K